ഇന്നലെകളുടെ പേറ്റുനോവില് കണ് മിഴിക്കുന്ന ഇന്നുകള് . പേരില്ലാത്ത ഇന്നുകളുടെ നെറ്റിയില് സ്നേഹ ചുംബനങ്ങളും അശ്രുക്കളും പൊഴിക്കുന്ന ഇന്നലെകള്. ഇന്നിന്റെ സ്പന്ദനമാധുരിമയില് ലയിച്ചു ഇല്ലാതാകുമ്പോള്, ഇന്നിന്റെ ചൂണ്ടുവിരലില് പിടിച്ച ഇന്നലെകളെ നോക്കി ഇന്നിന്റെ അമര്ഷം "എന്നെ തനിച്ചു വിടാത്തതെന്തേ?" ഇന്നലെകളുടെ വിരഹദുഃഖം അവരില് കത്തിയമര്ന്നപ്പോള് അകലത്തില് ഇന്നിന്റെ ഞാനെന്ന ജയഭേരി നാളെയില് മാറ്റൊലി കൊള്ളുന്നുണ്ടായിരുന്നു. ശക്തിയുടെ അസ്തമയനാളുകളില് ഇന്നലെകളെ നോക്കി ഇന്നു വാവിട്ടു കരഞ്ഞു "വരൂ. എന്റെ ചൂണ്ടു വിരല് പിടിക്കൂ." ഇന്നലെകളുടെ കരിഞ്ഞ മണവുമായി വന്ന കാറ്റ് ഇന്നിനോട് പറഞ്ഞു "ഇല്ലാത്ത ഇന്നലെകളെ മറന്നേക്കൂ. നാളെയുടെ ജനനത്തിന്നായി രാത്രിയെ പുണരൂ. ഇന്നലെകളുടെ നല്ലൊരു നാളെ നിനക്ക് ജനിക്കട്ടെ. ജീവിതം മുഴുവന് ചൂണ്ടു വിരല് പിടിക്കാന് തരുന്ന നല്ലൊരു നാളെ. ഇന്നലെകളുടെ തെറ്റുകളില്ലാത്ത ഒരു നല്ല നാളെ."
ഞാനും, നിങ്ങളും അതില് ഒരു കണികയായി ഉണ്ടെങ്കിലും, ഇല്ലെങ്കിലും. നമ്മള് എന്ന ഞാനും, നിങ്ങളും നാളെയുടെ സ്മൃതിപഥത്തില് ഉണ്ടെങ്കിലും ഇല്ലെങ്കിലും.
ഞാനും, നിങ്ങളും അതില് ഒരു കണികയായി ഉണ്ടെങ്കിലും, ഇല്ലെങ്കിലും. നമ്മള് എന്ന ഞാനും, നിങ്ങളും നാളെയുടെ സ്മൃതിപഥത്തില് ഉണ്ടെങ്കിലും ഇല്ലെങ്കിലും.
No comments:
Post a Comment